Dagur 9 (1/2) - Bragðavellir - Höfn

Vöknuðum í litlu bústöðunum við Bragðavelli og fengum okkur flatkökur með hangikjöti og muffins í morgunmat. Tókum svo saman á mettíma og lögðum af stað.

 Keyrðum álftafjörð og sáum milljón svani 🦢🦢🦢🦢

Það var mjög heitt í bílnum svo við stoppuðum líka við einhver krúttlegan appelsínugulan vita til að laga Söru. Ég tók svo símafund í vinnunni á milli kl 11-12 sem gekk betur en ég þorði að vona þó svo að ég hafi dottið út og farið í gegnum göng á leiðinni. 

Komum á Höfn í Hornafirði um kl 11.40 þar sem ég kláraði fundinn á meðan hinir léku sér á hoppudýnu. Siggi keypti handa okkur versta kaffi sem ég hef smakkað. ☕ Eftir fundinn fór Siggi með börnin í sund á meðan við mamma fórum og fengum okkur humarsalat  á höfninni. Þar lentum við í reiðum reykjandi ítölum sem endaði þó vel. 

Lögðum aftur af stað um 13.40 í 17°c og sól eftir ísstopp á Olís þar sem Siggi skolaði af bílnum.