Dagur 5 (1/2) Akureyri

Siggi vaknaði enn og aftur á undan okkur hinum og horfði á Atla keppa á móti Fylki í leik sem endaði í 4-2 tapi. 😣 Atli var í marki og fannst það mjög gaman. Þegar Siggi og Atli komu aftur vöktum við Bjarka, ömmu og Maddý með köku, pökkum og afmælissöng því Bjarki átti afmæli og var því ekki lengur 8 ára heldur 9 ára! 🥳🥳

Við fórum svo í síðasta morgunmatinn á Hótel Eddu, gengum frá á meðan krakkarnir léku sér í leikherberginu og stimpluðum okkur út tilbúin í næsta ævintýri 😊

Næst á dagskrá var hoppudýnuróluvallaferð að ósk afmælisbarnsins og svo var Atla skutlað í hádegismat með liðinu sínu. Þá höfðum við hin smá tíma fyrir síðasta leik mótsins og var ósk afmælisbarnsins að fara á klifurróló sem við og gerðum. 🎉 

Síðan gáfum við öndunum brauð 🦆🦢🐥

Enn var smá tími áður en leikurinn byrjaði svo við tókum rúnt um Akureyri, m.a. i bústaðinn sem við gistum gjarnan í á veturnar og framhjá Bjarmastíg 8 þar sem amma Magga fæddist.💖

Fórum svo snemma út á KA völlinn, hittum Atla og liðið í ROSA góðu veðri (14° á mæli) og loks var loka leikurinn á mótti Þrótti. Leikurinn fór 1-1 en KR átti milljón skot á markið en Þróttur bara þetta eina. Endaði í vító sem tók verulega á mömmutaugarnar! 😳 Atli skaut fyrstur og var það öruggt mark! ⚽️ Kári var í marki og varði fyrsta skot Þróttar við mikil fagnaðarlæti! Skorað var úr næstu spyrnum og endaði þetta því í sigri KR 3-2! 🎉👏⚽️ Glæsilegur endir á góðri ferð og 7.sætið þeirra!